Novos ordenadores con acceso a internet na biblioteca:
Xa temos a disposición dos usuarios catro ordenadores.
Podes facer aquí os teus traballos, entrar na rede ou escoitar música...
Anímate e vén darlle uso!!
O blog da biblioteca do Conservatorio de Música de Ourense: ACHÉGATE, DESCUBRE E SORPRÉNDETE
12 ene 2012
10 ene 2012
Exposición do Barroco
Vén á biblioteca!
E mergúllate no mundo do Barroco!
Exposición: O Barroco e o seu tempo
O Barroco
musical foi un estilo que deixou fonda pegada na historia da música
occidental. Non só marcou toda unha época de contrastes no século
XVII e primeira metade do XVIII, senón que tamén potenciou a
creación de obras que aínda hoxe seguen a soar nos máis
inesperados recunchos, acadando un halo de contemporaneidade que moi
poucos estilos lograron na historia.
Co
afán de poñer a disposición dos usuarios da biblioteca algúns dos
materiais do Barroco, as alumnas e os alumnos de 5º de Grao
Profesional prepararon con esmero tres paneis que explican grosso
modo
este interesante período musical, os seus xéneros e as aportacións
dun dos seus compositores máis eminentes, Johann Sebastian Bach.
Esperamos que gocen deste percorrido a través do séculos XVII e primeira metade do XVIII, momento no que un novo xeito de facer música irrompía na música relixiosa, de cámara e teatral.
 |
| Vista lateral dos paneis |
 |
| Selección de materiais do Barroco |
 |
| Selección de materiais do Barroco da biblioteca |
 |
| Vista frontal do paneis informativos |
2012. Libro do mes de Xaneiro
2012. Libro do mes de Xaneiro
DOWNS, Philip G.
La música clásica. La era de Haydn, Mozart y Beethoven
Madrid, Akal, 1998
EDICIÓN ORIXINAL:
Norton & Company, 1992
TRADUCIÓN:
Celsa Alonso
O presente
volume analiza o ascenso e declive do estilo clásico, dende mediados
do século XVIII –momento do nacemento de Haydn- ata a segunda
década do XIX –cando morre Beethoven-. Nos seus capítulos ponse
de manifesto a enorme diversidade e os continuos cambios que
caracterizan a música do período, sen esquecérselle as condicións
sociais e a vida cotiá dos músicos, así como a estética imperante
e as preferencias da audiencia respecto ás estruturas musicais, a
organización das combinacións e grupos.
Na primeira
parte do libro establece os elementos básicos que supuxeron o cambio
de estilo musical do Barroco cara o Clasicismo nun período que se
deu en chamar Preclasicismo. Neste momento conviviron varias
propostas baixo as ideas estéticas do Rococó, que marcaron o pulso
dunha convulsa etapa de heteroxeneidade e de apertura. Neste senso o
Style
Galant
e o Empfindsamer
Stil
prevaleceron na música para teclado, a ópera diversificou as súas
temáticas e a música sinfónica foi gañando terreo no eido dos
concertos públicos.
Na segunda
parte, o autor sumérxese nas razóns do xurdimento e afianzamento do
estilo clásico nos diferentes xéneros musicais, abordando non só a
música escénica, relixiosa e de concerto, senón tamén incidindo
no relevante papel da música doméstica.
Da terceira
á séptima parte afóndase na vida, obra e aportacións de Haydn e
de Mozart, como emblemas do estilo clásico, que coñeceu o seu
máximo apoxeo entre 1780 e 1800. Na oitava parte trátase a
Beethoven coma “un xigante entre dous séculos”, explicando as
súas obras máis relevantes.
Na última
parte do libro preséntanse cales foron as herdanzas do século das
luces no século XIX, dándolle así unha continuidade de cara ao
novo período que se abriu a partires de entón: o Romanticismo.
31 dic 2011
2011. Libro do mes de decembro
Decembro
Carlos Villanueva: Los villancicos gallegos, A Coruña,
Fundación Pedro Barrié de la Maza, 1994
Interesante aportación ao mundo do estudo da música na
historia de Galicia. O libro afonda nun xénero que cobrou un relevante pulo a
partires dos s. XVII e XVIII.
O vilancico era unha peza cuxa orixe se sitúa no Renacemento
no eido profano, pero que co Barroco acabou resoando no interior de igrexas,
catedrais e mosteiros como unha peza para embelecer o culto. Os temas dos
vilancicos a miúdo incluían personaxes procedentes de Galicia, cun carácter
anecdótico e mesmo humorístico, coma no caso dos vilancicos de Miguel de
Irízar. Mais a finais do século XVIII, Melchor López –mestre de capela da
catedral de Santiago- apostou por un modelo de vilancico escrito en galego, con
exemplos coma Da Ulla a meu cabo veño. Este modelo –que tivo curta
duración en Compostela- axiña foi adoitado polos compositores que traballaban
para Mondoñedo e mesmo para Ourense.
esta obra faise un percorrido histórico a través do
vilancico en Galicia, analízanse os contidos musicais e transcríbense moitos
dos exemplos deste singular xénero.
O autor: Carlos Villanueva
Este autor
cunha ampla experiencia no eido da investigación musicolóxica é catedrático de
Música da Universidade de Santiago de Compostela dende o ano 2000. A súa tese
doutoral versou sobre os vilancicos en galego da catedral de Mondoñedo. Dende o
ano 1989 é profesor titular da mentada universidade, visitando con frecuencia
outros centro educativos coma universidades de
Pennsylvania (USA), Oviedo e Granada. É o fundador e director do Grupo de
Cámara da Universidade de Santiago, creado en 1977.  |
2011. Libro do mes de Novembro
Novembro
Pablo Carpintero Arias: Os instrumentos musicais na tradición galega, Ourense, Difusora de Letras, Artes e Ideas,2009
Completo
inventario de instrumentos musicais empregados na música tradicional
galega, traballo de organoloxía de referencia para o estudo da música en
Galicia.
O
autor amosa as diferentes familias instrumentais seguindo a
clasificación de Hornsbostel e Sachs, procurando aportar datos sobre a
natureza acústica, o funcionamento, a construción e mesmo a historia de
cada exemplar.
As
fotografías de Xosé Ramón Marín Álvarez contribúen a ilustrar as
explicacións textuais, dando como resultado un volume visualmente moi
atractivo.
O autor:
Pablo Carpintero Arias naceu en Castro de Carballedo (Lugo) en 1969. É doutor en Ciencias pola Universidade de Santiago de Compostela, onde foi profesor de Bioquímica. Realizou un segundo curso de doutoramento no Departamento de Historia da Arte da mesma universidade sobre a gaita de fol, e traballa no Proxecto Ronsel da Universidade de Vigo para a recuperación do Patrimonio Cultural Inmaterial de Galicia. É membro directivo da Asociación de Gaiteiros Galegos e dirixe dous grupos de recuperación de tradicións musicais galegas. Ademais de adicarse á investigación da organoloxía tradicional galega, é artesán, especializado na reprodución de todo tipo de instrumentos tradicionais galegos.
Fonte da imaxe:
Máis información sobre o proxecto en: http://www.consellodacultura.org/asg/instrumentos/acerca-de/
|
7 dic 2011
Sabías de nós?
Le culturízate
Consulta postos de lectura, información, referencia, internet
Leva un libro ou un cd préstamo a domicilio
Benvido á túa biblioteca!
Recolle aquí o teu folleto informativo...
Suscribirse a:
Entradas (Atom)