Novo número de "Música y educación"

Xa dispoñible na nosa biblioteca o número de outubro da revista "Música y Educación"

Nº 95 da revista "Música y Educación"

Horarios do curso 2013-2014

Beethoven, el músico sordo. Libro do mes de outubro de 2013

DATOS DO LIBRO

AUTOR: Patxi Irurzun

TÍTULO: BEETHOVEN, EL MÚSICO SORDO

EDITORIAL: El Rompecabezas

ANO: 2008

NÚMERO DE PÁXINAS: 125

DATOS DO AUTOR

Pamplona (1969), é autor de libros de contos moi variados, entre os que se atopan “Cuentos de color gris” (1989), Cuentos sanfermineros (2005), e varias novelas coma “Odio enamorado”(2007), “Cuestión de supervivencia” (1998) ou o minilibro “El cangrejo valiente” (2004), entre outras aportacións. Ten colaborado con diferentes medios coma El Canto de la Tripulación, El Europeo, Rolling Stone, Gara, Dominical, Mono Gráfico, Vinalia Trippers, El País…Tamén recibiu diferentes premios coma “El Viajero” de El País-Aguilar, o “Ciudad de Palencia” ou o “Francisco Yndurain” das letras para xoves autores, así como o Premio da Creación Literaria 2004 do Goberno de Navarra.

                                      

BREVE RESUMO DO LIBRO

 

Trátase dun conto con actividades, recomendado a partir de 9 anos, que tomando como fío condutor a Quinta Sinfonía de Beethoven, nos introduce nos sorprendente mundo de Otto, un neno de 10 anos, que se propón reconstruír a súa vida a través das persoas que o coñeceron: un inventor de autómatas, un amor secreto… Toda unha sinfonía de divertidas peripecias.

Semana das Letras Galegas no CMUS

Boletín da Fundación Juan March

Podemos ollar no seguinte enlace o boletín da Fundación Juan March, con novas frescas sobre a música contemporánea:  

Boletín 1 (maio 2013)

Un novo libro de música galega na rede

A Universidade de Santiago de Compostela vén de colgar on line o libro Os soños da memoria. Documentación musical en Galicia: metodoloxías para o estudio.O volume recolle as actas do encontro que se celebrou no outono de 2011 no Museo de Pontevedra, organizado polo grupo de investigación interuniversitario Fondos documentais de música nos arquivos civís de Galicia (1875‑1936) (HAR 209‑09161), integrado por Montserrat Capelán, Luis Costa Vázquez e Javier Garbayo, coa dirección como IP de Carlos Villanueva.

Para acceder ao texto: http://dspace.usc.es/handle/10347/8133

Libro do mes de maio de 2013

DATOS DO LIBRO

AUTOR: ClemensKühn

TÍTULO: Historia de la composición musical en ejemplos comentados

CIDADE DE EDICIÓN:Barcelona

EDITORIAL: Idea Books

ANO: 2003

NÚMERO DE PÁXINAS: 383

EDICIÓN ORIXINAL: Bärenreiter-VerlagKarlVötterle, 1998

TRADUCIÓN: Francisco Fernández del Pozo

O AUTOR

ClemensKühn  (1945) é un compositor e notable musicólogo alemán, moi coñecido polos seus libros de teoría e análise musical. Naceu en Hamburgo, estudou no conservatorio da súa cidade natal e despois con Diether de la Motte e CarlDahlhaus. Obtivo o doutoramento en 1977 cunha tese sobre as obras orquestrais de BerndAloisZimmermann, publicada en Hamburgo en 1978. Despois de ser asistente, foi nomeado profesor de teoría musical na Escola de Arte de Berlín en 1978, cambiando ao Conservatorio de Múnich en 1988 e ao conservatorio “CarlMariavonWeber” de Dresde en 1997.

Kühndestacou entre 1978 e 1996 como editor e co-editor da revista "Musica" (Bärenreiter-Verlag), ademais de escribir sobre teoría musical para a nova edición de MGG/Sachteil. Éco-editorda revista Musiktheorie (Laaber-Verlag). Os seus puntos de interese musical están entre a análise musical e a teoría musical.

BREVE RESUMO DO LIBRO

Este libro non vai dirixido, como podería facer pensar o título, de forma exclusiva a compositores ou estudantes de composición, senón que o seu radio de acción é moito máis amplo. Os plantexamentos que emprega o autor nesta obra teórica resultan non só orixinais, senón tamén eficaces e clarificadores en moitos aspectos. Os capítulos están dedicados ás transformacións da linguaxe e aos xéneros por épocas, tratadas cronoloxicamente, incluíndo elementos comparativos para extraer conclusións sobre as técnicas compositivas. A realidade amósanos que o proceso de desenvolvemento na composición non ten lugar de forma liñal, senón que as técnicas e os diferentes puntos de vista se suceden na historia da composición alternativamente.

Fontes das imaxes: enclavecreativa.com; ideabooks.com

(Se queres recibir esta información no teu correo electrónico, déixanos a túa dirección no buzón de suxestións ou en biblioteca.conservatoriourense@gmail.com)