3 dic 2012

2012. Libro do mes de decembro


LIBRO DO MES DE DECEMBRO DE 2012

DATOS DO LIBRO
AUTOR: Eugenio  Trías
TÍTULO: El canto de las sirenas
CIDADE DE EDICIÓN: Barcelona
EDITORIAL: Galaxia Gutenberg
ANO: 2007          
NÚMERO DE PÁXINAS: 1000

DATOS DO AUTOR
 Trías Sagnier (Barcelona, 1942), filósofo español considerado coma un dos máis importantes dende Ortega e Gasset. Licenciado en Filosofía, foi profesor nas Universidades Central e Autónoma de Barcelona, desprazándose dende os anos setenta a Brasil e Arxentina. Catedrático de filosofía na Escola Técnica Superior de Arquitectura dende 1986 e de Historia das Ideas na Universidade Pompeu Fabra de Barcelona. A súa concepción da filosofía é unitaria e enciclopédica, xa que despregou as súas principais ideas en campos tan diversos coma a ética, a estética, a reflexión cívico-política, a filosofía da relixión ou a ontoloxía. Moitos dos seus libros convertéronse en referencias ineludibles da filosofía española no último medio século. Obras súas coma Tratado da paixón, O belo e o sinistro, Os límites do mundo ou  A idade do espírito constituíronse xa en obras clásicas do pensamento filosófico destes anos.

BREVE RESUMO DO LIBRO
Neste libro Eugenio Trías fai un percorrido a modo de ensaio a través de 25 músicos occidentais, percorrendo dende Monteverdi ata as últimas vangardas musicais. Trata de construír un relato, ou gran relato, sobre os principais músicos occidentais dos últimos catrocentos anos. Neste libro trata de “narrar a música”, polo que leva a termo un acto creador, no que urde e combina a trama de textos diferentes que, en progresión, constitúen este relato.  Os misterios gloriosos de Bach, a dualidade do tráxico e do cómico en Mozart, os grandes relatos de Haydn, o estilo heroico de Beethoven, o concepto de obra total de Wagner, o espírito creador de Mahler, a nova teoloxía musical de Schoenberg, a noite eterna de Béla Bartok, os sacrificios de Stravinski, o panteísmo sonoro de Cage ou a arquitectura musical de Xenakis, comparecen nestas páxinas para rebelar as súas claves internas. O resultado non é só unha excelente colección de ensaios individuais, senón tamén un argumento narrativo: unha apaixonante historia das ideas a través da música.


(Se queres recibir esta información no teu correo electrónico, déixanos a túa dirección no buzón de suxestión

15 nov 2012

2012. Libro do mes de novembro


LIBRO DO MES DE NOVEMBRO DE 2012 

DATOS DO LIBRO
AUTOR: J.  Peter Burkholder, Donald J. Grout, Claude V. Palisca
TÍTULO: Historia de la música occidental
CIDADE DE EDICIÓN: Madrid
EDITORIAL: Alianza Música
ANO: 2011 (8ª edición)             TRADUTOR: Gabriel Menéndez Torrellas
NÚMERO DE PÁXINAS: 1288

DATOS DO AUTOR

Donald Jay Grout (1902-1987) foi un musicólogo estadounidense da primeira xeración, que tivo unha grande influencia nos músicos europeos que emigraron ao novo continente tras a Segunda Guerra Mundial. Foi un membro activo de varias universidades e de sociedades de musicoloxía de todo o mundo, constituíndo un referente durante máis de medio século. Os seus traballos deixaron unha fonda pegada na historiografía da música, sendo un dos máis influíntes A History of Western Music de 1960, que se converteu nun auténtico manual reeditado en varias ocasións. Estas reedicións correron a cargo de autores coma Claude Palisca ou máis recentemente J. Peter Burkholder, cuxa edición é a que presentamos nesta ocasión.

BREVE RESUMO DO LIBRO

Este volume foi cualificado por críticos e expertos coma o mellor compendio do desenvolvemento da música no mundo occidental dende as civilizacións máis antigas ata os nosos días. A obra, que só esixe coñecementos elementais de terminoloxía musical e de harmonía, constitúe un modelo de erudición. Explora os estilos, compositores, xéneros e obras fundamentais, así coma a tensión entre tradición e innovación, que tamén abarca unha ampla variedade de xéneros relixiosos e seculares, serios e humorísticos, cultos e populares, de todo o mundo. O texto aparece ilustrado con abundantes exemplos musicais, cronoloxías, biografías, extractos de fontes orixinais, resumos, un glosario e un prego de mapas en cor. Toda unha ferramenta para afondar no coñecemento da música occidental e dos estilos que a cotío se interpretan no conservatorio. 

22 oct 2012

Día das bibliotecas escolares. 24 de outubro

O vindeiro mércores día 24 de outubro é o día das bibliotecas escolares. Estades convidados a coñecer os novos materiais do rincón infantil e o novo mobiliario para materiais audiovisuais. 



9 oct 2012

HORARIOS 2012-13

A biblioteca permanecerá aberta polas tardes nos horarios que se detallan a continuación: 

Luns: 15.30-20

Martes: 15.30-21

Mércores: 15.30-20.30

Xoves: 15.30-21

Venres: 15.30-19 

 

28 sept 2012

NOVIDADES OUTUBRO 2012

ÚLTIMAS ADQUISICIÓNS DA NOSA BIBLIOTECA

Dicionarios: 
- Diccionario Akal/Gove de la Música, editado por Stanley Sadie. Xa dispoñible para consulta en sala!!


Partituras e métodos para saxofón: 
- Saxologie du potentiel acoustico de Daniel Kientzy
- Apparition et disparition mystérieuses d'un accord de Luc Ferrari
- Motet en double choeur de Melchior Vulpius
- Souvernir pour cinq (ou plus...) saxophones de François Daneels
- Betsy Jolas Oh là!. Collection de Claude Georgel
- Betsy Jolas. Walking ground pour deux saxophones altos. Colección de Claude Georgel
- Betsy Jolas. Scat pour deux saxophones altos. Colección de Claude Georgel
- Betsy Jolas. Allô! pour deux saxophones altos. Colección de Claude Georgel


Partituras e métodos para trompa
- Learn as you play. Escalas e arpexios. Editado por Peter Wastall

Partituras para frauta
- Concerto en Sol maior para frauta e piano de Carl Stamitz

Partituras e métodos para viola
- Carol Stringfest. Popular carols for flexible string ensemble with optional piano.  Arranxos de Mary Cohen
- Superstart Viola. The complete method. Mary Cohen
- Bags of American Folk for viola. Arranxado por mary Cohen
- Bag Tunes for viola. Mary Cohen.


2012. Libro de mes de outubro


LIBRO DO MES DE OUTUBRO DE 2012



DATOS DO LIBRO

AUTOR: ANDRÉS, Ramón
TÍTULO: Diccionario de instrumentos musicales. Desde la Antigüedad a J.S. Bach
CIDADE DE EDICIÓN: Barcelona
EDITORIAL: Península
ANO: 2009
NÚMERO DE PÁXINAS: 540


BREVE RESUMO DO LIBRO

O presente volume non é soamente un diccionario de instrumentos de tipo manual, senón que inclúe referencias a moitos compositores e obras de primeira magnitude. Por suposto, os construtores de instrumentos e os teóricos tamén ocupan boa parte das súas páxinas. Nesta edición, prologada por John Eliot Gardiner, actualiza e revisa moitas entradas, ofrecendo unha inxente información sobre os instrumentos en sí. Nos apéndices finais procura amosar unha detallada relación entre a música, a pintura e a literatura. Con todo isto, esta obra convértese nun punto de referencia imprescindible para os que se sinten atraídos, non só pola música culta, senón pola popular.


DATOS DO AUTOR

Ramón Andrés (Pamplona, 1955) é autor de numerosos escritos musicais e literarios. Entre os seus libros sobre música destaca o Diccionario de instrumentos musicales, prologado por John Eliot Gardiner.
Entre 1974 e 1983 exerceu a súa actividade profesional como cantante, centrándose sobre todo no repertorio medieval e renacentista, con instrumentos antigos. Foi tamén lector da Universidade de Nápoles, así coma asesor, colaborador e director de numerosos proxectos editoriais, a miúdo relacionados coa divulgación musical.





Páxinas de referencia: http://www.ramonandres.es
(Se queres recibir esta información no teu correo electrónico, déixanos a túa dirección no buzón de suxestións)