LIBRO DO MES DE FEBREIRO. 2013

DATOS DO LIBRO

AUTOR: Alex ROSS

TÍTULO: EL RUIDO ETERNO

CIDADE DE EDICIÓN: Barcelona

EDITORIAL: Seix Barral

ANO: 2009

NÚMERO DE PÁXINAS: 799

TRADUTOR: Luis Gago

DATOS DO AUTOR

Alex Ross naceu en Washington. Desde 1996 é crítico musical o New Yorker, escribindo previamente dende 1992 ata 1996 para o New York Times. Foi galardoado con numerosos premios, como tres ASCAP-Deems Taylor Awards pola súa crítica musical, a Genius Fellowship da MacArthur Foundation, a Holtzbrinck Fellowship da American Academy en Berlín, a Fleck Fellowship do Banff Center e unha Letter of Distinction do American Music Center pola súa contribución ao eido da música contemporánea. Foi profesor de escritura na Universidade de Princeton e recibiu un doutoramento honorífico da Manhattan School of Music.

                                      

BREVE RESUMO DO LIBRO

Esta é a historia do século XX a través da súa música, desde a Viena de antes da Primeira Guerra Mundial ata o París dos anos 20; desde a Alemaña de Hitler ou a Rusia de Stalin á Nova York dos anos 60. Transportando aos lectores polo labirinto do son moderno, Alex Ross descúbrenos as conexión entre os acontecementos máis importantes e os compositores máis influíntes, homes que se rebelaron contra o culto ao pasado clásico, loitaron contra a indiferenza do gran público e desafiaron aos ditadores.

(Se queres recibir esta información no teu correo electrónico, déixanos a túa dirección no buzón de suxestións)

Libro do mes de Xaneiro

LIBRO DO MES DE XANEIRO DE 2013

DATOS DO LIBRO

AUTORA: Eileen SOUTHERN

TÍTULO: HISTORIA DE LA MÚSICA NEGRA NORTEAMERICANA

CIDADE DE EDICIÓN:Madrid

EDITORIAL: Akal

ANO: 2001 

NÚMERO DE PÁXINAS: 689
TRADUTOR: Ramón Polledo

DATOS Da AUTORa

Eileen Southern (1920-2002) foi unha musicóloga afroamericana, adicada non só á investigación, senón tamén á docencia en diversas escolas públicas dos Estados Unidos e na Universidade de Harvard. Comezou a súa carreira como pianista, ganando diversos concursos. Estudou na Universidade de Chicago e de Nova York, acadando a tese de doutoramento no 1961, na que xa se preocupaba polo estudo da música negra popular. Polo seu traballo editorial recibiu varios premios, que a galonan coma unha das especialistas máis reputadas no terreo da música negra norteamericana. 

BREVE RESUMO DO LIBRO

Neste libro a autora pretende axudar a que o lector coñeza e aprecie os diferentes xéneros e os múltiples estilos que, no seu conxunto, definen a música afroamericana dos Estados Unidos. Nesta publicación opta por organizar os materiais de xeito cronolóxico, seguindo a historia da música negra dende a súa orixe africana ata a época actual, a través das súas manifestacións na América colonial e despois nos Estados Unidos. 

A partires da chegada dos primeiros africanas ás colonias inglesas, orixinouse unha intensa actividade musical, que non só xogou un papel  crucial nas vidas dos estadounidenses negros, senón que influenciou profundamente a música norteamericana e doutras partes do mundo. A doutora Southern fai un percorrido por este tipo de música a través dunha crónica que abrangue dende cantantes, instrumentistas e compositores, ata xéneros e estilos que caracterizaron as manifestacións musicais dun pobo que foi dende os ritmos da escravitude ata o rap de finais do XX.  Neste rico camiño, cóbrense numerosos temas, coma a música da época colonial, os artistas da guerra revolucionaria, a música sacra, o ragtime, o swing, a música de concerto, o soul, o pop e mesmo a ópera.

(Se queres recibir esta información no teu correo electrónico, déixanos a túa dirección no buzón de suxestión)

2012. Libro do mes de decembro

DATOS DO LIBRO

AUTOR: Eugenio  Trías

TÍTULO: El canto de las sirenas

CIDADE DE EDICIÓN: Barcelona

EDITORIAL: Galaxia Gutenberg

ANO: 2007          

NÚMERO DE PÁXINAS: 1000

DATOS DO AUTOR

 Trías Sagnier (Barcelona, 1942), filósofo español considerado coma un dos máis importantes dende Ortega e Gasset. Licenciado en Filosofía, foi profesor nas Universidades Central e Autónoma de Barcelona, desprazándose dende os anos setenta a Brasil e Arxentina. Catedrático de filosofía na Escola Técnica Superior de Arquitectura dende 1986 e de Historia das Ideas na Universidade Pompeu Fabra de Barcelona. A súa concepción da filosofía é unitaria e enciclopédica, xa que despregou as súas principais ideas en campos tan diversos coma a ética, a estética, a reflexión cívico-política, a filosofía da relixión ou a ontoloxía. Moitos dos seus libros convertéronse en referencias ineludibles da filosofía española no último medio século. Obras súas coma Tratado da paixón, O belo e o sinistro, Os límites do mundo ou  A idade do espírito constituíronse xa en obras clásicas do pensamento filosófico destes anos.

BREVE RESUMO DO LIBRO

Neste libro Eugenio Trías fai un percorrido a modo de ensaio a través de 25 músicos occidentais, percorrendo dende Monteverdi ata as últimas vangardas musicais. Trata de construír un relato, ou gran relato, sobre os principais músicos occidentais dos últimos catrocentos anos. Neste libro trata de “narrar a música”, polo que leva a termo un acto creador, no que urde e combina a trama de textos diferentes que, en progresión, constitúen este relato.  Os misterios gloriosos de Bach, a dualidade do tráxico e do cómico en Mozart, os grandes relatos de Haydn, o estilo heroico de Beethoven, o concepto de obra total de Wagner, o espírito creador de Mahler, a nova teoloxía musical de Schoenberg, a noite eterna de Béla Bartok, os sacrificios de Stravinski, o panteísmo sonoro de Cage ou a arquitectura musical de Xenakis, comparecen nestas páxinas para rebelar as súas claves internas. O resultado non é só unha excelente colección de ensaios individuais, senón tamén un argumento narrativo: unha apaixonante historia das ideas a través da música.

Podes consultar máis en: http://serbal.pntic.mec.es/~cmunoz11/sirenas.pdf

(Se queres recibir esta información no teu correo electrónico, déixanos a túa dirección no buzón de suxestión

2012. Libro do mes de novembro

 

DATOS DO LIBRO

AUTOR: J.  Peter Burkholder, Donald J. Grout, Claude V. Palisca

TÍTULO: Historia de la música occidental

CIDADE DE EDICIÓN: Madrid

EDITORIAL: Alianza Música

ANO: 2011 (8ª edición)             TRADUTOR: Gabriel Menéndez Torrellas

NÚMERO DE PÁXINAS: 1288

DATOS DO AUTOR

Donald Jay Grout (1902-1987) foi un musicólogo estadounidense da primeira xeración, que tivo unha grande influencia nos músicos europeos que emigraron ao novo continente tras a Segunda Guerra Mundial. Foi un membro activo de varias universidades e de sociedades de musicoloxía de todo o mundo, constituíndo un referente durante máis de medio século. Os seus traballos deixaron unha fonda pegada na historiografía da música, sendo un dos máis influíntes A History of Western Music de 1960, que se converteu nun auténtico manual reeditado en varias ocasións. Estas reedicións correron a cargo de autores coma Claude Palisca ou máis recentemente J. Peter Burkholder, cuxa edición é a que presentamos nesta ocasión.

BREVE RESUMO DO LIBRO

Este volume foi cualificado por críticos e expertos coma o mellor compendio do desenvolvemento da música no mundo occidental dende as civilizacións máis antigas ata os nosos días. A obra, que só esixe coñecementos elementais de terminoloxía musical e de harmonía, constitúe un modelo de erudición. Explora os estilos, compositores, xéneros e obras fundamentais, así coma a tensión entre tradición e innovación, que tamén abarca unha ampla variedade de xéneros relixiosos e seculares, serios e humorísticos, cultos e populares, de todo o mundo. O texto aparece ilustrado con abundantes exemplos musicais, cronoloxías, biografías, extractos de fontes orixinais, resumos, un glosario e un prego de mapas en cor. Toda unha ferramenta para afondar no coñecemento da música occidental e dos estilos que a cotío se interpretan no conservatorio. 

2012. Libro de mes de outubro

LIBRO DO MES DE OUTUBRO DE 2012

DATOS DO LIBRO

AUTOR: ANDRÉS, Ramón

TÍTULO: Diccionario de instrumentos musicales. Desde la Antigüedad a J.S. Bach

CIDADE DE EDICIÓN: Barcelona

EDITORIAL: Península

ANO: 2009

NÚMERO DE PÁXINAS: 540

BREVE RESUMO DO LIBRO

O presente volume non é soamente un diccionario de instrumentos de tipo manual, senón que inclúe referencias a moitos compositores e obras de primeira magnitude. Por suposto, os construtores de instrumentos e os teóricos tamén ocupan boa parte das súas páxinas. Nesta edición, prologada por John Eliot Gardiner, actualiza e revisa moitas entradas, ofrecendo unha inxente información sobre os instrumentos en sí. Nos apéndices finais procura amosar unha detallada relación entre a música, a pintura e a literatura. Con todo isto, esta obra convértese nun punto de referencia imprescindible para os que se sinten atraídos, non só pola música culta, senón pola popular.

DATOS DO AUTOR

Ramón Andrés (Pamplona, 1955) é autor de numerosos escritos musicais e literarios. Entre os seus libros sobre música destaca o Diccionario de instrumentos musicales, prologado por John Eliot Gardiner.

Entre 1974 e 1983 exerceu a súa actividade profesional como cantante, centrándose sobre todo no repertorio medieval e renacentista, con instrumentos antigos. Foi tamén lector da Universidade de Nápoles, así coma asesor, colaborador e director de numerosos proxectos editoriais, a miúdo relacionados coa divulgación musical.

Páxinas de referencia: http://www.ramonandres.es

(Se queres recibir esta información no teu correo electrónico, déixanos a túa dirección no buzón de suxestións)

Libro do mes de maio 2012

LIBRO DO MES DE MAIO 2012

DATOS DO LIBRO

AUTOR: BERNSTEIN, Leonard
TÍTULO: El maestro invita a un concierto
CIDADE DE EDICIÓN: Madrid
EDITORIAL: Siruela
ANO: 2009
NÚMERO DE PÁXINAS: 403
TRADUCIÓN: Juan Pablo Fernández-Cortés

DATOS DO AUTOR

Leonard Berstein (1918-1990) desenvolveu o seu talento musical dende moi novo, estudango harmonía, dirección e piano. En 1943 foi nomeado asistente da Filarmónica de Nova York, pasando posteriormente por outras setenta orquestras de renome internacional coma a  Sinfónica de Boston, Filarmónica de Israel ou Viena, entre outras. Realizou mil concertos e máis de catrocentas gravacións, o que o consagra coma un dos músicos estadounidenses máis influíntes da segunda metade do século XX. De feito, recibiu vintetrés títulos académicos honoríficos, trece condecoracións de gobernos estranxeitos, trece premios Grammy, dezaséis discos de ouro e platino, once premios Emmy e máis de dez premios de televisión.  En 1958 inicia tamén a serie de concertos para xoves, dos que este volume que presentamos é un compendio.

BREVE RESUMO DO LIBRO

Este libro que trata de solventar algunhas cuestións xerais sobre a música, recollendo os contidos dunha serie de concertos que Bernstein realizara para adicar á xuventude. A través de quince capítulos trata de sintetizar do xeito máis práctico posible algúns da linguaxe musical máis relevantes, empregando moi a miúdo exemplos concretos e moitas comparacións. Á súa linguaxe clara e concisa é idónea para artellar un volume adicado a a aproximar a música á xente nova, sen esquecer que se trata dunha linguaxe universal, á que debería de ter acceso todo o mundo.



(Se queres recibir esta información no teu correo electrónico, déixanos a túa dirección no buzón de suxestións)

Libro do mes de abril 2012

LIBRO DO MES DE ABRIL 2012

DATOS DO LIBRO

AUTOR: Casto Sampedro y Folgar

TÍTULO: Cancionero Musical de Galicia

CIDADE DE EDICIÓN: A Coruña

EDITORIAL: Fundación Pedro Barrié de la Maza

ANO: 2007

BREVE RESUMO DO LIBRO

Este volume é unha obra colectiva que recolle o labor recomplitatorio da música tradicional iniciado por Castro Sampedro y Folgar en torno a  1883, así como varios artigos previos que axudan a contextualizar este traballo.

O cancioneiro de Sampedro xestárase ao abeiro da Sociedad Arqueológica de Pontevedra dende finais do século XIX grazas ás colaboracións de diferentes investigadores como Ramón de Arana, Santiago Tafall, Eladio Oviedo, Perfecto Feijóo, Juan Montes, Indalecio Varela Lenzan ou Víctor Said Armesto, quen finalmente contribuíu a darlle o pulo final á recompilación do material musical tradicional. O cancioneiro quedou configurado cunha inxente cantidade de material, nun principio disperso, que non coñeceu a luz ata a edición de 1942 que fixo o Museo de Pontevedra, con introdución de José Filgueira Valverde.

Neste volume recollían diferentes tipos de pezas como alalás, cantos narrativos dialogados, cantos de labores e oficios, cantos rituais, lúdicos e bailables, así como unha escolma de música instrumental (preludios, tocatas ao azar, bailables, danzas, alboradas e marchas).

Para entender o proceso de recollida deste material no seu tempo é preciso coñecer aspectos de contexto, ideolóxicos e formais, que se desmenuzan nesta edición da Fundación Pedro Barrié de la Maza. Nesta introdución crítica participan investigadores de primeira liña musicolóxica en Galicia neste momento coma Carlos Villanueva, Luis Costa ou Xabier Groba, ademais de incluir unha introdución histórica por parte de José Carlos Valle.

Resulta un tomo moi interesante para todos aqueles que sintan interese polo estudo da música tradicional en Galicia, así como para aqueles que se queiran adentrar no descurso etnicitario para a música galega, dende un punto de vista rexeneracionista e mesmo neotradicionalista.

(Se queres recibir esta información no teu correo electrónico, déixanos a túa dirección no buzón de suxestións ou en biblioteca.conservatoriourense@gmail.com) 

Coral De Ruada. Libro do mes de marzo 2012

LIBRO DO MES DE MARZO 2012

DATOS DO LIBRO

AUTOR: Miguel Ángel González García e Servando Ellacuriaga Tesouro

TÍTULO: La Coral de Ruada

CIDADE DE EDICIÓN: Ourense

EDITORIAL: Caixa Ourense

ANO: 1996

BREVE RESUMO DO LIBRO

Trátase dun percorrido histórico a través da historia desta coral, que nacera en 1918 e aínda hoxe mantén a súa labor.
A Coral “Re Ruada” xestárase en 1918 e debutou o 24 de xuño de 1919 no Teatro Apolo de Ourense, onde obtivo un grande éxito. Esta coral seguiu o modelo do coro “Aires d'a terra”, fundado polo gaiteiro pontevedrés Perfecto Feijóo. Este tipo de agrupación ou “coro galego” estaba formado por coro de voces mixtas, ataviados co traxe tradicional, que cantaban repertorio popular con acompañamento instrumental típico do folclore galego. Nas fotografías máis antigas pódese observar a vestimenta típica dos integrantes e os tres instrumentos básicos (gaita, tamborileiro, bombo), ademais de zanfoña e pandeiros con sonaxas.



Neste libro poderemos facer un percorrido pola vida desta interesante agrupación ourensá, que deixou e aínda está a deixar momentos musicais para a historia.

Fontes de consulta: 

- www.coralderuada.com

- Etno-folk. Revista galega de etnomusicoloxía, 9 (outubro 2007). Monográfico adicado a "De Ruada".

(Se queres recibir esta información no teu correo electrónico, déixanos a túa dirección no buzón de suxestións ou en biblioteca.conservatoriourense@gmail.com)

2012. Libro de febreiro. Cancionero Gallego. Martínez Torner e Bal y Gay

LIBRO DO MES DE FEBREIRO 2012

DATOS DO LIBRO

AUTOR: Eduardo Martínez Torner e Jesús Bal y Gay

TÍTULO: Cancionero Gallego

CIDADE DE EDICIÓN: A Coruña

EDITORIAL: Fundación Pedro Barrié de la Maza

ANO: 2007

BREVE RESUMO DO LIBRO

Trátase da reedición crítica do facsímil do Cancionero Gallego -publicado polo compositor lugués Jesús Bal y Gay por primeira vez en 1973-.
O autor do prólogo desta obra é Carlos Villanueva destaca que, durante a I República, o compositor Bal y Gay "predicou o achegamento á música de vangarda e a ruptura co folclorismo" aínda que as súas palabras caeron en saco roto co estalido da Guerra Civil en 1936.
Porén, antes da contenda, o musicólogo lugués comezara, xunto co asturiano Eduardo Martínez Torner, a elaborar "o primeiro cancioneiro galego recollido no rural", que finalmente non viu a luz até 1973. Grazas a unha bolsa concedida pola Comisión de Estudos de Galicia en 1928, Martínez Torner e Bal y Gay dedicáronse durante cinco anos ós traballos de recompilación de pezas da tradición que transcribían coa súa música correspondente. O proxecto comezou a desdebuxarse ao "xurdir diferenzas" entre ambos, segundo Villanueva. Cando en 1932 remataron o traballo e se reuniron no Centro de Estudos Históricos, dirixido por Ramón Menéndez Pidal, este encargoulle definitivamente o Cancionero Gallego a Torner, mentres que Bal y Gay se orientou a estudos históricos.
No 36, Torner marchou a Valencia con case 2.000 pezas do Cancionero, fuxindo da Guerra Civil, e logo foi de Barcelona a Francia e de alí a Londres, onde se perdeu o rastro dese material

XESÚS BAL Y GAY

Músico, musicólogo e intelectual galego, nacido en Lugo en 195 e falecido en 1993. Nos anos 20 comezou a se relacionar con Manuel de Falla e outros intelectuais e músicos da época, especialmente tras a súa marcha a Madrid á Residencia de Estudantes, onde tamén tomou contacto coa Institución Libre de Enseñanza. En 1935 marchou para Cambridge e despois pasa a vivir en México ata 1965. Destacan especialmente as súas aportacións ao mundo da musicoloxía, así como ao da composición, legando -entre outros- o Cancioneiro Gallego, feito xunto con Eduardo Martínez Torner. 

Fonte da imaxe: http://www.arcoirismusic.com/catalogo

Fonte do texto sobre o libro: V. Oliveira. http://www.elcorreogallego.es/index.php?idMenu=10&idNoticia=208615

(Se queres recibir esta información no teu correo electrónico, déixanos a túa dirección no buzón de suxestións ou en biblioteca.conservatoriourense@gmail.com)